• Sat. Feb 24th, 2024

Nijuzetz

Waambie Wanijue Wanitumie

Mapambano ya mlinda amani wa zamani wa Umoja wa mataifa aliyechukua dola nchini Niger

Bynijuzetz

Aug 11, 2023

Mara baada ya kushiriki katika juhudi za kulinda amani katika nchi zilizokumbwa na vita, Jenerali Abdourahmane Tchiani sasa amefanya mapinduzi huko Afrika Magharibi kwa kufanya mapinduzi nchini Niger.

Mtu ambaye hakutaka kujulikana nje na udani wake, alikuwa kamanda wa walinzi wa rais wa Niger hadi alipoibuka kwenye kivuli na kumpindua mtu ambaye alitakiwa kumlinda, Rais Mohamed Bazoum.

Jenerali Tchiani alijitangaza kuwa mkuu wa Baraza la Kitaifa la Ulinzi wa Nchi, jeshi la kijeshi lililoundwa baada ya kunyakua mamlaka mnamo Julai 26.

Wakati huo huo, mkuu wake wa zamani akimuweka chini ya kizuizi cha nyumbani. Bw Bazoum amekuwa akiwasiliana kwa simu mara kwa mara na viongozi wa kimataifa lakini ametengwa.


Jenerali Tchiani amewaacha viongozi wengine wa junta kupigia debe mapinduzi hayo kwa umma .

Mwenyekiti wa sasa wa ECOWAS , Rais wa Nigeria Bola Tinubu, wakati akiweka mkazo wa kuchukuliwa hatua za kidiplomasia na dalili zaidi ya jinsi yeye na wenzake wanavyofikiria inaweza kujitokeza baada ya mkutano wao wa hivi punde mjini Abuja wiki hii.

Baada ya kuwa na uhakika, na kutiwa moyo na viongozi wenzake wa mapinduzi nchini Mali, Burkina Faso na Guinea katika kukabiliana na shinikizo la kikanda, inaonekana kwamba Jenerali Tchiani kwa sasa ameamua kuwa na msimamo na kucheza mchezo huo kwa muda mrefu huku akidai hana tofauti za kidiplomasia kwa mataifa mengine.

Utawala wake umetangaza uteuzi wa waziri mkuu, waziri wa zamani wa fedha na afisa wa Benki ya Maendeleo ya Afrika Ali Mahaman Lamine Zeini – kuashiria matamanio yake ya kuanzisha kipindi kirefu cha mpito wa kisiasa.

Baadhi ya wachambuzi wamejiuliza iwapo kupinduliwa kwa Bw Bazoum, ambaye anatoka katika jamii ya Waarabu walio wachache, huenda kukazua mzozo wa kikabila nchini Niger.

Hata hivyo, hisia kali ya mshikamano wa tamaduni mbalimbali na utambulisho wa kitaifa daima imekuwa nguvu bainifu ya Niger ya kisasa.

Aliyekuwa Muasi wa Tuareg na waziri mkuu, Rhissa ag Boula, sasa amezindua kampeni ya kumrejesha ofisini Bw Bazoum, na anawasilisha hili kwa uthabiti wa kitaifa. Na hadi sasa hakuna dalili ya junta kujitosa kwenye njia inayogawanya madhehebu.

Hatahivyo Jenerali Tchiani hayuko kujihatarisha .Uamuzi wa kumdhibiti Bwana Bazoum na kuandaa mapinduzi yenyewe ulikuwa kamari ya hali ya juu. Ingeshindikana, ni jenerali mwenyewe ambaye sasa angekuwa katika seli ya jela.

Na maamuzi ya kushutumu hadharani makubaliano ya muda mrefu ya ulinzi na ukoloni wa zamani wa Ufaransa na kutafuta usaidizi wa mamluki wa Kirusi wenye utata Wagner, walikuwa na uhakika wa kuwachukiza zaidi Ecowas na serikali za Magharibi, licha ya kwamba wanaoungwa mkono na raia wasiompenda rais Bazoum huko Niamey.

Katika kipindi cha takriban miaka 40 ya kazi yake, Jenerali Tchiani amepata mafunzo yake katika vyuo vya kijeshi nchini Senegal, Ufaransa, Morocco, Mali na Marekani.

Kwa hivyo inashangaza kwamba sasa anahatarisha makabiliano ya kijeshi na Ecowas kwa kupuuza uamuzi wake wa kurudisha mamlaka kwa Bwana Bazoum.

Jenerali Tchiani pia aliwahi kutumwa katika majukumu mbalimbali ya usimamizi nchini Niger yenyewe, ingawa si kweli katika kampeni dhidi ya makundi ya wanajihadi ambayo sasa yanawasilisha tishio kubwa kama hilo kwa nchi yake na nchi jirani za Mali, Burkina Faso na Benin katikati mwa Sahel.

Lakini mambo mawili yanajitokeza kutokana na kazi yake ndefu ya kijeshi.

Hadi kupandishwa cheo kuwa mlinzi wa rais mwaka wa 2011, hakuwa nje ya nchi wala nyumbani alikuwa amechukua majukumu katika ngazi ya juu ya amri ambayo inahitaji kufanya kazi kwa karibu na viongozi wa serikali ya kiraia na washirika wa kimataifa katika kuunda mkakati na kushughulikia matatizo ya kisiasa, kijamii na kidiplomasia.

Kiongozi huyo mwenye umri wa miaka 62 daima amekuwa “askari wa maaskari”, aliyepewa kazi maalum za kijeshi badala ya picha pana ya ulinzi na usalama.

Hata baada ya kuwekwa msimamizi wa ulinzi wa rais na mtangulizi wa Bwana Bazoum, Mahamadou Issoufou, alijiwekea maoni yake na ,alizungumza machache.

Hakuwa sehemu ya mjadala mpana wa umma au wa kisiasa kuhusu njia bora ya kukabiliana na ghasia za wanajihadi na mivutano ya hapa na pale kati ya jumuiya ambayo imeleta changamoto kama hizo katika miaka ya hivi karibuni.

.
Maelezo ya picha,Wafuasi wengi wa serikali ya kijeshi wamechukua msimamo wa kuunga mkono Urusi dhidi ya Ufaransa

Wafuasi wengi wa serikali ya kijeshi wamechukua msimamo wa kuunga mkono Urusi dhidi ya Ufaransa na ambao ni nadra.

Anaonekana kuwa mtu wa faragha sana, kwa namna fulani hata asiyejulikana sana na marais waliojikabidhi kwa ulinzi wake.

Ilijulikana kuwa uhusiano wake na Bwana Bazoum, mshirika wa muda mrefu wa Bwana Issoufou, ulikuwa wa mbali zaidi na katika wiki za hivi majuzi kulikuwa na uvumi kwamba rais alikuwa akijiandaa kumlazimisha kustaafu.

Labda chuki binafsi zilikuwa zimekusanyika, hazikuangaziwa lakini bado zikawa na nguvu.

Kuondolewa kwenye wadhifa wake, hata katika umri wa kawaida wa kustaafu, bila shaka kungekuwa pigo kubwa kwa mtu ambaye kwa zaidi ya miongo minne amepanda daraja hatua kwa hatua, baada ya kuanza kama mwanajeshi wa kawaida.

Jenerali Tchiani anatoka katika kabila kubwa la Wahausa, na anatoka eneo la Tillabéri, eneo la jadi la usajili wa wanajeshi.

Hata hivyo yeye hakuwa na nguvu ya kawaida katika jeshi au uhusiano wa kisiasa. Alilazimika kufanya kazi kutoka chini hadi ngazi aliyofikia .

Bwana Bazoum pia ni mtu ambaye alitoka katika malezi ya kiasi na kisha akapanda ngazi ya elimu na taaluma hatua kwa hatua, katika katika chuo kikuu na kisha akawa mwalimu wa shule ya upili na mwanaharakati wa vyama vya wafanyakazi, kabla ya kuingia katika siasa mapema miaka ya 1990.

Lakini cha kushangaza, Jenerali Tchiani hakuwahi kuanzisha uhusiano mzuri wa kufanya kazi na Bazoum ilhali anaonekana kupatana kwa urahisi na Bwana Issoufou.

Sasa bila shaka, baada ya miaka mingi nje ya macho ya umma, Jenerali Tchiani anajikuta kwenye mkondo wa mzozo katika usimamizi wa migogoro ya kisiasa na kidiplomasia.

Kufikia sasa ametegemea kile ambacho kimemtumikia vyema zaidi kwa miaka mingi jeshini: kujizuia, kusitasita kwa uangalifu kusema mawazo yake kikamilifu mbele ya wengine, na kukataa maelewano.

Lakini Jenerali Tchiani na junta wamezua chuki dhidi ya Ufaransa miongoni pia msukumo wa Wanigeria wengi wenye presha kutoka mataifa ya magharibi na ila Tchiani anlenga kubadilisha hali hiyo kuwa msingi mpana wa uungwaji mkono kwa mapambano na Ecowas.

Na huku majaribio haya yakikabiliana na Nigeria na wanachama wengine wa kambi ya Afrika Magharibi katika siku zijazo, na huku vikwazo vikizidi kupandikizwa ili kuathiri na kusababisha gharama ya maisha kwa watu wa kawaida, mbinu hii mpya itachukua jukumu muhimu huku jenerali hiyo akicheza kamari ya kiwango cha juu ikilinganishwa na kazi yake awali.

Leave a Reply